आठौं छायाँछवी तीज म्युजिक अवार्ड सम्पन्न, यस्तो छ २९ विधामा बिजेताको नामावली

Jagaran News

Published On : 7 September, 2021 4:15 pm

काठमाडौं , भदौ २२ । आठौं छायाँछवी तीज म्युजिक अवार्ड सम्पन्न भएको छ । राजधानीमा आयोजित बिशेष समारोहका बिच २९बिधामा अवार्ड प्रदान गरिएको छ ।

कार्यक्रममा गायिका कल्पना काफ्लेले कम्मरै ढलमल गीतबाट उत्कृष्ट मौलिक तिज गीत गायिकाको अवार्ड चुम्न सफल भइन् भने गायिका चिजा तामाङ तारा जून बोलको गीतबाट उत्कृष्ट तिज दोहोरी गायिकाको अवार्ड चुम्न सफल भइन् । गायिका सुष्मा ठकुरीले सानी गीतबाट उत्कृष्ट सन्देशमूलक गीत गायिकाको अवार्ड चुम्न सफल भइन् ।

नेपाली चलचित्रकी प्रथम नेपाली नायिका भुवन चन्दको प्रमुख आतिथ्यतामा सम्पन्न कार्यक्रममा कार्यक्रममा बरिष्ठ गायिका देविका बन्दना, कलाकार तथा निर्देशक दिपाश्री निरौला, कलाकार तथा निर्देशक मोहन निरौला, निर्माता प्रदिप उदय, चलचित्र पत्रकार संघका पूर्व उपाध्यक्ष बिष्णु प्रसाद सुबेदी, कलाकार रोशनी केसी, नायिका अनामिका चौलागाई लगायतका कलाकर्मीको उपस्थिति रहेको थियो ।
विगत आठ वर्षदेखि निरन्तर रुपमा आयोजना हुँदै आएको छायाँछवी तीज म्युजिक अवार्ड नेपालको पहिलो तीज म्युजिक अवार्ड हो ।

कार्यक्रममा आयोजक संस्था छायाँछवीका अध्यक्ष शान्तिप्रियले मौलिक तीज गीतलाई प्रोत्साहन गर्दै नेपाली कला संस्कृतिको विकासमा अवार्डका माध्यमबाट टेवा पु¥याउने उद्देश्यले अवार्ड आयोजना गर्दै आएको जनाएका छन् । उनले कोरोनाको कहरका बिच स्वास्थ्य मापदण्ड पूरा गरि अवार्ड आयोजना गरिएको जनाएका छन् । यस्तै प्रमुख अतिथी भुवन चन्दले यस्ता खालका कार्यक्रमले मौलिक गीतसंगीतको विकासका लागि अहम् भुमिका खेल्ने जनाएका छिन । गायिका देविका बन्दनाले पछिल्लो वर्ष मौलिक शैलीका तीज गीत बढी आएको भन्दै त्यसो हुनुमा तीज म्युजिक अवार्ड जस्ता कार्यक्रमको प्रभाव रहेको जनाइन् ।

त्यस्तै कार्यक्रममा गायिका कोपिला गौतमलाई छायाँछवि संगीत सम्मान प्रदान गरिएको थियो भने राजु कार्कीलाई छायाँछवि समाजसेवी सम्मानबाट सम्मानित गरिएको थियो । कार्यक्रममा दिप्सा थापाले फुल्यै फुल्यो तिउरी बोलको गीतमा नृत्य प्रस्तुत गरेकी थिइन् भने कार्यक्रम सुमन बैरागीले संचालन गरेका थिए ।

यस्तो छ २९ विधामाबिजेताको नामावली

उत्कृष्ट तीज गीत मिक्सिङ
मनोज परियार : पातली –३

उत्कृष्ट तीज गीत एरेञ्जर
राकेश सोनी : घिन घिन मादल

उत्कृष्ट तीज मौलिक गीत नवगायिका
सकुना श्रेष्ठ : माइतीको आँगन

उत्कृष्ट तीज गीत नवगायिका
शिलाश्मा हमाल : झिलिमाई

इन्करेजमेन्ट अवार्ड
सारदा धिताल : सिङ्गापुरे साडी

उत्कृष्ट तीज गीत मोडल पुरुष
दिपेन्द्र तिमिल्सिना : पारी बन हरियो

उत्कृष्ट तीज गीत मोडल महिला
टीका जैशी : डालीमा पुतली भुरुभुरु

उत्कृष्ट तीज गीत भिडियो छायाँकार
मुकेशहुमागाई : आँखागयो नयाँचिजैमा

उत्कृष्ट तीज मौलिक गीत भिडियो सम्पादक
बिनोदवन : आँखागयो नयाँचिजैमा

उत्कृष्ट तीज दोहोरी गीत भिडियो सम्पादक
राजकुमार मगर : हङ्कङ्को साडी –२

उत्कृष्ट तीज गीत नृत्य निर्देशक
केशवराज भट्ट : झिलिमाई