अल्लु अर्जुन र रश्मीकाको ‘पुष्पा’ नेपालमा पनि रिलिज हुने

काठमाडौँ , ८ मंसिर । नेपालमा साउथका स्टारहरुको क्रेज बढ्दै गएपछि चलचित्र रिलिजलाई वितरकहरुले पनि महत्वपूर्ण रुपमा लिन थालेका छन् । कुनै समय साउथका स्टार रजनीकान्तको चलचित्र मात्र नेपाल भित्रिन्थ्यो भने तर, अहिले साउथका अधिकांश स्टारहरुको चलचित्रले नेपाली बजारमा कब्जा जमाउन थालेका छन् ।

‘बाहुबली, केजीएफ’ जस्ता चलचित्रले नेपालमा राम्रो कमाइ गरेपछि नेपाली वितरकहरु साउथका चलचित्र रिलिज गर्न उत्साहित भएका छन् ।

यसैबीच साउथ चलचित्र ‘पुष्पा’को हिन्दी डब नेपालमा रिलिज हुने भएको छ । पुस २ गतेबाट यो चलचित्र नेपालमा रिलिज हुने पक्का भएको छ ।

सुकुमारको निर्देशनमा बनेको यो चलचित्रमा अल्लु अर्जुन, पुष्पा, रश्मीका मन्दन्नाको मुख्य भूमिका रहेको छ । रश्मीका प्रशंसकहरु पनि नेपालमा निक्कै छन् । यसैले बक्स अफिसमा यो चलचित्रले राम्रो व्यापार गर्ने अपेक्षा रखेको छ । मनोज राठी र उनको टिमले नेपाल भित्र्याएको बलिउड चलचित्र ‘सूर्यवंशी’ले बक्स अफिसमा धुम मच्चाएको थियो ।