पहिरोले घर पुरिँदा बाबु छोराको मृत्यु, श्रीमती गम्भिर घाइते

फाइल तस्बिर

काठमाडौं, असार १५ । दार्चुलामा पहिरोले घर पुरिँदा २ जनाको मृत्यु भएको छ । पहिरोमा पुरिएर नौगाड गाउँपालिका ४ होपरीका २५ वर्षीय चन्द्र सिंह महता र उनका ४ वर्षीय छोरा शुसान्त महताको मृत्यु भएको नौगाड प्रहरी चौकीका सहायक प्रहरी निरीक्षक भुवन चन्दले जानकारी दिए ।

पहिरोमा पुरिएर चन्द्रकी श्रीमती चनमति महता गम्भिर घाइते भएकी छन् । चनमतीलाई उपचारको लागि गोकुलेश्वर अस्पताल लगिएको छ ।

नौगाड गाउँपालिका ४ होपरीमा गएराती घरमाथि रहेको जलविद्युतको नहर भत्किदा पहिरो गएको हो । पहिरोको कारण अन्य तीन जनाको घरमा समेत पुरीएको छ ।