छुट्टाछुट्टै घटनामा ३ जनाको मृत्यु

काठमाडौं, असार २५ । प्रदेश ५ मा भएका छुट्टाछुट्टै घटनामा तीन जनाको मृत्यु भएको छ ।

प्रदेश ५ प्रहरी कार्यालयले दिएको जानकारी अनुसार रुपन्देही र पाल्पामा बेवारिसे अवस्थामा २ वटा शव फेला परेको छ भने गुल्मीमा खोलाले बगाउँदा एक जनाको ज्यान गएको छ ।

रुपन्देहीको तिलोत्तमा न।पा।६ पश्चिम पौनीस्थित तिनाउ खोलाको बीच भागमा २५ वर्ष उमेरको पुरुषको शव फेला परेको छ । खोलामा भेटिएको शवको विषयमा थप अनुसन्धान भइरहेको वडा प्रहरीले कार्यालयले बुटवलले जनाएको छ ।

यसैगरी पाल्पाको तानसेन न।पा।१४ ऋषिकेश मन्दीर नजिकै रहेको प्रतिक्षालयमा हालसम्म नाम थर नखुलेको अन्दाजी बर्ष ६५ का पुरुष व्यक्तिको शव फेला परेको छ । यता गुल्मीका खोलाले बगाउदाँ एक जना बालकको मृत्यु भएको छ ।

गुल्मी दरबार गा।पा।६ बेलपोखरा घर भई रेसुङ्गा न।पा।११ राङवासका ६ बर्षीय बालकको स्थानीय बठाआ खोलाले बगाउँदा मृत्यु भएको प्रदेश प्रहरी कार्यालयले जनाएको छ ।