कोरोना ‘हव’ बन्दै वीरगञ्ज: ४४ प्रहरी र डाक्टरसहित १ सय ४२ जनामा संक्रमण पुष्टि

काठमाडौं, साउन २३ ।वीरगञ्ज रगञ्जस्थित नारायणी अस्पतालको प्रयोगशालमा गरिएको परीक्षणमा नेपाली सेना, नेपाल प्रहरी र डाक्टरसहित १ सय ४२ जनामा कोरोना संक्रमण पुष्टि भएको छ ।

नारायणी अस्पतालका मेडिकल सुपरिडेन्टेन्ट मदन उपाध्यायले दिएको जानकारी अनुसार संक्रमित हुनेहरुमा १ सय २१ जना पुरूष र २१ जना महिला रहेका छन् ।

संक्रमित हुनेमा १५ वर्षका देखि ७९ वर्ष सम्म रहेका छन् । नारायणी अस्पतालका मेडिकल सुपरिडेन्टेन्ट उपाध्यायले जानकारी दिए अनुसार बिहिबार बिहान संक्रमण पुष्टि भएका १ सय ४२ जना सबैभन्दा धेरै जिल्ला प्रहरी कार्यालय पर्सामा कार्यरत ४४ जना प्रहरी रहेका छन् । वीरगन्ज कारागारमा सुरक्षार्थ खटेका ५ जना नेपाली सेना र ५ जना डाक्टर रहेका छन् ।

त्यसैगरी संक्रमितहरु बीरगन्ज महानगरपालिकाको चिनीमिल, श्रीपुर, तेजारथ टोल, गण्डक बहुअरी, मुर्ली, भिस्वा, घडिअर्वा, सबैठवा, पिपरा, रानीघाट, खल्वाटोला श्रीसिया, छपकैया, प्रतिमा चौक, पृथ्वीनगर, गणेश चौक, आदर्शनगर, अलौं, फुलबारी टोल, अशोक वाटिका, भवानीपुर, चण्डाल चौक टोलबाट नयाँ संक्रमित थपिएका छन् । सबैभन्दा धेरै श्रीसिया खल्वाटोलाबाट २२ जना संक्रमित थपिएका छन् ।

बारा जिल्ला परवानीपुर लिपनी वडा नम्बर ३ का २८ बर्षका १ जना पुरुष, बारा जिल्ला जितपुर वडा नम्बर ७ का ३५ बर्षिय १ जना महिला, रौतहट जिल्ला इशनाथ वडा नम्बर २ लक्षमनिया का २३ बर्षका १ जना पुरुष र २४,५० बर्षकी २ जना महिला छन भने रौतहट जिल्लाकै गौर नगरपालिका वडा नम्बर २ का १ जना ३० बर्षिय पुरुष रहेका नारायणी अस्पतालका मेसु उपाध्यायले जानकारी दिए ।

पछिल्लो समय कोरोनाभाइरसको संक्रमण सुरक्षाकर्मी र मन्त्रीहरुमा पनि देखिन थालेको छ ।पछिल्लो समय दिनदिनै कोरोना संक्रमित बढ्दै गएका छन्। विज्ञका अनुसार सार्वजनिक यातायात संचालन र नाकाहरूबाट निर्वाध मानिसहरुको प्रवेशले उपत्यका कोरोनाको उच्च जोखिममा परेको हो।