काठमाडौं उपत्यकामा थपिए ७५५ संक्रमित , निको हुनेको संख्या ५० हजार नाघ्यो
काठमाडौं, असोज ८ ।पछिल्लो २४ घण्टामा काठमाडौं उपत्यकामा ७५५ जना कोरोना भाइरस संक्रमित भेटिएका छन् ।
स्वास्थ्य तथा जनसंख्या मन्त्रालयका अनुसार काठमाडौं जिल्लामा ६०९, ललितपुरमा ९५ र भक्तपुरमा ५१ जना संक्रमित भेटिएका छन् । यसैबिच नेपालमा कोरोनाबाट निको हुनेको संख्या ५० हजार नाघेको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा बिहीबार ४ सय ५७ जना संक्रमित निको भएर घर फर्किएसँगै निको हुनेहरुको संख्या ५० हजार ४ सय ११ पुगेको हो । यो कूल संक्रमितको ७२।७४ प्रतिशत हो ।
बुधबार नेपालमा १ हजार ८ सय ९३ जना संक्रमित निको भएका थिए ।
मन्त्रालयका अनुसार सोमबारसम्म पीसीआर विधिबाट हालसम्म ९ लाख ५५ हजार ९ सय २३ परीक्षणहरु गरिएका छन् । यस्तै, २४ घण्टामा ११ हजार ४ सय ४९ परीक्षण भएका छन् ।
यस्तै, ९ हजार ८ सय २३ जना होम आइसोलेसनमा रहेका छन् । मुलुकभर सक्रिय कोरोना संक्रमिको संख्या १८ हजार ४ सय ३७ जना रहेको मन्त्रालयले जनाएको छ ।
प्रतिक्रिया दिनुहोस्