आज थप १ हजार ५५१ जनामा संक्रमण पुष्टि, उपत्यकामा मात्रै १ हजार १७ जना
काठमाडौं, असोज २० । नेपालमा पछिल्लो २४ घण्टामा थप १ हजार ५५१ जनामा कोरोना भाइरसको संक्रमण पुष्टि भएको छ।
मंगलबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले देशभरमा थप १ हजार ५५१ जनामा कोरोना भाइरसको संक्रमण भएको बताए।
प्रवक्ता गौतमका अनुसार आज देशभरमा सक्रिय संक्रमितको संख्या २२ हजार ७०९ रहेको छ।त्यतै देशभरमा संस्स्थागत आइसोलेसनमा ९ हजार ११८ जना रहेका छन्।
पछिल्लो २४ घण्टामा थप ११ हजार ४७ पीसीआर परीक्षण भएसँगै अहिलेसम्म भएको परीक्षणको संख्या १० लाख ९९ हजार २७६ पुगेको छ।त्यस्तै पछिल्लो २४ घण्टामा थप जना २ हजार ३४० कोरोना संक्रमणबाट निको भएका छन्। योसँगै निको हुनेको संख्या ६७ हजार ५४२ पुगेको छ।
यो कूल संक्रमितको ७४.३ प्रतिशत हो। यता काठमाडौँ उपत्यकामा पछिल्लो २४ घण्टामा थप १हजार १७ जनामा कोरोना भाइरसको संक्रमण पुष्टि भएको छ।
मंगलबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले उपत्यकाका तीन जिल्लामा थप १ हजार १७ जनामा कोरोना भाइरसको संक्रमण भएको बताए।
प्रवक्ता गौतमका अनुसार उपत्यकाका काठमाडौँमा ७८३, भक्तपुरमा ११६ र ललितपुरमा जनामा ११८ संक्रमण पुष्टि भएको हो।
प्रतिक्रिया दिनुहोस्