सामूहिक बलात्कारको आरोपमा ट्राफिक प्रहरी जवानसहित २ जना पक्राउ

काठमाडौं, माघ ११ । सामूहिक बलात्कारको आरोपमा ट्राफिक प्रहरी जवानसहित २ जना पक्राउ परेका छन् ।

पक्राउ पर्नेहरुमा कपिलबस्तु बाणगंगा गाउँपालिकाका गुरु चरण चौधरी र जिल्ला ट्राफिक कार्यालय रुपन्देहीमा कार्यरत ट्राफिक प्रहरी जवान विशाल शर्मा रहेका छन् ।

कार्तिक २३ गते सामूहिक बलात्कार भएको भनी दुई जना युवतीले शुक्रबार जाहरी दिएका थिए । उनीहरुले दिएको जाहेरीको आधारमा पक्राउ गरिएको जिल्ला प्रहरी कार्यालय रुपन्देहीका एसपी प्रविण पोखरेलले बताए । युवतीहरुको जाहेरीअनुसार कार्तिक २३ गते राति ८ः३० बजे प्रहरी जवान शर्मा उनीहरुलाई भेट्न गएका थिए ।

भेटघाटको क्रममा युवतीले अपशब्द बोलेपछि शर्माले उनका अन्य तीनजना साथीहरुलाई बोलाए । शर्माका साथीहरुले त्यहाँमध्ये एक युवतीको नग्न तस्बिर खिचेको र अर्की युवतीलाई पालैपालो सामूहिक बलात्कार गरेको युवतीहरुको जाहेरीमा उल्लेख रहेको एसपी पोखरेलले जानकारी दिए ।

निजले घटनाको विषयमा उजुरी दिए नग्न तस्बिर भाइरल गरिदिने धम्कीसमेत दिएको पीडित युवतीहरुले जाहेरीमा उल्लेख गरिएको छ । घटनामा संलग्न अन्य दुईजना भने फरार रहेको र उनीहरुको खोजी भइरहेको प्रहरलिे जनाएको छ ।