प्रचण्ड -नेपाल समूहले छान्यो ६८ जिल्लामा नयाँ नेतृत्व
काठमाडौं, फागुन १० । नेपाल कम्युनिस्ट पार्टी (नेकपा) प्रचण्ड-माधव पक्षले तल्लो तहसम्म नै नेतृत्व तोक्ने काम तीव्र गतिमा अघि बढाएको छ। साविकको पार्टी दुई समुहमा विभाजित भएपछि यो पक्षले ६८ जिल्लाको नेतृत्व टुङ्ग्याएको हो।
३५ जिल्ला पूर्व माओवादी र ३३ पूर्व एमालेको भागमा पर्नेगरी नेतृत्व टुङ्ग्याएको हो। साङ्गठानिक स्वरूप टुङ्ग्याउने क्रममा अध्यक्ष र सचिवको टुंगो लगाएको हो।
इन्चार्ज र सह(इन्चार्ज पनि टुङ्ग्याउन बाँकी रहेको छ। पार्टी विभाजनपछि अध्यक्षद्वय पुष्पकमल दाहाल -प्रचण्डु र माधवकुमार नेपालबीच संगठनात्मक संरचनालाई पूर्णता दिन बराबरी भागबण्डा गर्ने सहमति बनेको थियो।
फागुन ७ गते केन्द्रीय कमिटीको बैठकको निर्णयअनुसार ९ बुँदे सहमति बनेको छ। सहमति पत्रमा प्रदेश र जिल्लाका इन्चार्ज, सह इन्चार्ज एवं पार्टी कमिटीहरू तथा जन संगठनका पदाधिकारीहरूमा रिक्त स्थानमा आधारआधा हुनेगरी मिलाउने सहमति बनेको छ।
पार्टी कमिटीहरू तथा जनवर्गीय संगठनका तहमा पनि ५०/५० प्रतिशत हुनेगरी मिलाउने भएको छ।
रिक्त स्थान पूर्ति गर्दा यो समूहले साविक घटकको कमिटी र जनसंगठनमा वरियताक्रमलाई प्राथमिकता दिने भएको छ।
प्रधानमन्त्री केपी शर्मा ओलीले पुस ५ मा प्रतिनिधि सभा विघटन गरेका थिए । त्यसपछि एक समूहले अर्को समूहलाई हटाएर नेतृत्व लिने प्रक्रिया चलिरहेको छ ।
प्रतिक्रिया दिनुहोस्