खानीपानी मन्त्री मणि थापालाई कोरोना संक्रमण

काठमाडौँ , बैशाख १७ । खानेपानी तथा सरसफाइमन्त्री मणिचन्द्र थापालाई कोरोना संक्रमण पुष्टि भएको छ ।

उनको पिसिआर परीक्षणमा क्रममा आज बिहान सङ्क्रमण पुष्टि भएको उनका स्वकीय सचिव राजेन्द्र गौतमले जानकारी दिए ।

मन्त्री थापाकी छोरी उष्णता श्रेष्ठ थापालाई सङ्क्रमण भएपछि उनको हिजो स्वाब सङ्कलन गरिएको थियो । उनकी छोरीलाई चार दिनअघि सङ्क्रमण भएको थियो ।

मन्त्रीसहित सचिवालयमा काम गर्ने १० जनाको पिसिआर परीक्षण गर्दा कसैलाई सङ्क्रमण देखिएन । मन्त्री थापालाई अहिले सामान्य रुघाखोकी लागेको छ ।

सङ्क्रमण पुष्टि भएपछि मन्त्री थापा अहिले ललितपुरस्थित मन्त्री निवास पुल्चोकमा आराम गरिरहेको उनका स्वकीय सचिव गौतमले जानकारी दिए ।

यसअघि ऊर्जा, जलस्रोत तथा सिँचाइमन्त्री टोपबहादुर रायमाझीलाई पनि कोरोना सङ्क्रमण भएको थियो ।