स्वास्थ्यकर्मीको अपिल: निषेधाज्ञाको पूर्ण पालना गरेर सहयोग गर्नुहोस्, उपचार नै नपाउने स्थिति आउनसक्छ

काठमाडौं , बैशाख २१ । कोभिड संक्रमणको दोस्रो लहर ७७ वटै जिल्लामा पुगिसकेको छ ।

यसबाट सर्वसाधारणसँगै अग्रपंक्तिमा खटिने स्वास्थ्यकर्मी, सुरक्षाकर्मी, पत्रकार धमाधम संक्रमित हुन थालेका छन् । यसैबीच शहीद शुक्रराज ट्रपिकल तथा सरुवा रोग अस्पतालका स्वास्थ्यकर्मीले निषेधाज्ञाको पूर्ण पालना गरेर सहयोग गर्न अपिल गरेका छन् ।

अस्पतालमा कोरोना संक्रमित भएर आउनेको संख्या धान्नै नसक्ने गरी बढेकाले निषेधाज्ञाको पालना गरेर घरमै बस्न उनीहरूले आग्रह गरेका हुन् ।

संक्रमितको संख्या बढ्दै जाँदा राम्रोसँग उपचार नै नपाउने अवस्था आउनसक्ने तर्फ सचेत चिकित्सहरुले आग्रह गरेका छन् ।

अस्पतालका स्वास्थ्यकर्मी संगम कक्षपतिले स्वास्थ्य सावधानीसहित घरमै बसेर कोरोना संक्रमणबाट बचिने भन्दै निषेधाज्ञाको पालना गर्न अनुरोध गर्नुभयो ।पछिल्लो समय नेपालमा कोरोनाको स्थीति भयवह हुँदै जान थालेको छ ।

 

प्रतिक्रिया दिनुहोस्