बरिष्ठ गायक प्रेमध्वज प्रधानको निधन
Published On : 6 May, 2021 4:16 pm
काठमाडौं, बैशाख २३ । बरिष्ठ गायक प्रेमध्वज प्रधानको निधन भएको छ । नशासम्बन्धी समस्याबाट ग्रसित प्रधानको न्यूरो अस्पतालमा निधन भएको हो ।
८२ वर्षीय गायक प्रधान लामो समयदेखि स्वास्थ्य सम्बन्धी समस्यासँग जुधिरहेका थिए । पछिल्लो समय स्थिति जटिल बनेपछि उनलाई अस्पताल भर्ना गरिएको थियो ।
प्रधानका ७ सयभन्दा धेरै गीत रेकर्ड भएका छन् । ‘घुम्तीमा नआऊ है’, ‘पर लैजाऊ फूलहरु’, लगायतका कालजयी र प्रसिद्ध गीतका गायक प्रधान सानैबाट संगीतमा सक्रिय थिए ।
प्रतिक्रिया दिनुहोस्